Heyate xo de raya veren a ke nişena ra trene. Trena derga barîye kişta roye Renî ra sereye xo sey marî tadayene û rayan ser o xiz bîyene, devacer şîyene. Koye nat-dote royî berz û kewe bî. Ge-ge sere koyan de, mîyane geme de şatoyî bî. Sanikan û fîlman de ke çitur e, eynî henî bî.....Mi çi qehirî, çi derdî antî, çi mayînî teqay bîne lingane mi de, parçeye mi hewa ra çerexîyay, varay bi mi ser, mi çi zulm dî destane zebanîyan de, mi çi koyî, gerîsî peye xo de ca verdayî, çend rey tîje koyan ra şîye û reyna nevejîyaye, çend hevalane mi verara mi de can da, maya mi merde, mi boya vilikan xo vîrî ra kerde, mi her çî xo vîrî ra kerd, mi tena boya dolbenda maya xo û ti xo vîrî ra nekerda.
Internet Explorer tarayıcısının 9.0 ve daha eski sürümlerini desteklememekteyiz. Web sitemizi doğru görüntüleyebilmek için tarayıcınızı güncelleyebilirsiniz, güncelleyemiyorsanız başka bir tarayıcıyı ücretsiz yükleyebilirsiniz.